Sadəcə qadınların anlaya biləcəyi filmlər

Bu gün sizə sadəcə qadınların anlayıb, sevə biləcəyi filmlərdən bəhs edəcəm.

Bugün sizə sadəcə qadınların anlayıb sevə biləcəyi filmlərdən bəhs edəcəm.Birçox qadının həyatından 3 faktor mühüm rol oynayır, rəfiqələr, romantika və karyera.Aşağıda bəhs edəcəyim filmləridə 3 kateqoriyaya ayırıb yazıramki nəyi izləmək istədiyinizi rahatlıqla seçə biləsiniz.Bu filmlrdə özünüzüzü tapacaqsınız.

Beləliklə ilk kateqoriya rəfiqələr:

1. Секс в большом городе (2008-2010) Sex and the City 
Kennedi Buşnelinneyni adlı əsərinə çəkilmiş bu filmlər 4 fərqli xasiyyətli rəfiqədən və onların başına gələnlərdən bəhs edir.2008 ci ildə çəkilmiş ilk versiyada rəfiqələr yenədə bir yerə yığışır Kerri nəhayətki "mister Biqi" evliliyə razı salır. Miranda onu aldadan əri ilə problemləri həll etməyə çalışır.Şarlotta nəhayəki hamilə qalır.Samanta isə yenədə özündən yaşca balaca manikenlə sevgi məcərasına başlayır. Tək dəyişməyən isə sadəcə aralarındakı dostluq olur. Həm qadın dostluğundan həmdə qadın problemlərindən danışan bu iki filmi hətta eyni adlı seriyalı belə izləəyinizi tövsüyə edirəm.Bu filmi 25 yaşın üstündə xanımların  və dəbli həyatı sevən xanımların daha çox sevəcəyini güman edirəm.

2.Другая женщина-The Other Woman 2014 cü ildə hələlik ən bəyəndiyim komediyalardan biridi.Burada 3 qadının birləşərək onlara xəyanet edən kişidən aldığı intiqamdan bəhs edir. Bu filmədə sadəcə qız rəfiqələrinizlə baxmağı tövsüyə edirəm.

3.Оторва-Wild Child bu filmi daha çox gənc qızlar bəynəcək.Oxumaq üçün ingilis məktəbinə göndərilən gənc, özündən razı böyüdülmüş xanım məktəbdən qovulmaq üçün əlindən gələni edir.Bu əsnada qazandığı dostluqlarla və başına gələnlər izləməyə dəyər.

4.Война невест-Bride Wars.Emma və Livin dostluğu eyni gündə təyin olunmuş toy günü ilə çıxılmaz bir yola düşür.Heçkim qarşısındakına güzəşt etmek istəmir.Beləliklə gizli mübarizə başlayır.

5.Дрянные девчонки-Mean Girls.İki hissədən ibarət olan bu filmidə qızlar çox sevəcək.Məktəbin ən üzsüz qızının keçmiş sevgilisinə vurulan baş qəhramanın yaşadıqlarından və dostluqlarından bəhs edir. İkinci hissədə isə Ebbi bə Conun dostluğundan bəhs edir.Biri varlı və qorxaq digəri kasıb ancaq cəsur.Conun ailəsi gizlincə Ebbiyə Co ilə dostluğu müqabilində pul təklif edir.Sonrası isə özünüz izləyin.

6.Холостячки-Bachelorette illər sonra kilolu sinif yoldaşının toyu üçün bir yerə gələn rəfiqələrdən  bəhs edən bu filmin sloqanı "pis qızların hərşeyi əldə edir" dir .

7. Монте-Карло-Monte Carlo filmin sloqanı "bəzən özün olmaq üçün ,başqası olmalısan" dır. Parisə yola düşən 3 rəfiqənin 5 ulduzlu otelə təsadüfən girməsi ilə başlayan  bu filmdə qızlardan biri  varlı ingilis ailəsində olan bir qıza bənzədilir və onun  həyatını yaşamağa başlayır.

8. О чём молчат девушки bu rus komeidyasında İspaniyaya yola düşən 4 rəfiqə nədən susduğundan və nələri xəyal etdiyindən danışır.

9.Сдохни, Джон Такер! John Tucker Must Die 4 köhnə rəfiqə  birləşib məktəbin ən özündən razı oğlanını məcazi mənada desən sındırmağa qızlara söylədiyi yalanların intiqamını almağa çalışır.Ancaq bunu bacaracaqlar?

10. Женщины The Women özünü xoşbəxt hiss edərkən aldadılan Meriyə hərşeydən çox rəfiqələrinin dəstəyi lazımdır.

Atəşfəşanlıq öldürür

Atəşfəşanlıq öldürür 

Bütün bayramlarımızı,toyların, ad günlərinin artıq ən-ənəvi sonluğuna çevrilən atəşfəşanlıq.Görüntü söz ola bilməz gecənin qaranlığında səmanın fərqli işıqlarla bəzədilməsi bir çox insana zövq verir.Ancaq çox az adam yəqinki bu görsəl əyləncənin fəsadlarını və ətrafa verdiyi ziyanları düşünüb.Şəxsən mən hər zaman əleyhinə olmuşam bu dırmaq arası əyləncənin.Rayonların birində dincələrkən gecə yarısı saat 1 də güclü atəş səsinə oyandım.Yuxu sərsəmliyi ilə 5 -6 dəqiqə sonra anladım bu səsin atəşfəşanlıq səsi olduğunu.Necə qorxduğum qalsın bir kənara balaca qızımın qorxaraq oyanmaması üçün nə edəcəyimi bilmirdim.Atəşfəşanlığı sevmirəm çünki hər dəfə kimlərsə baxıb zövq alarkən mənə müharibə şəraitində yaşayan ölkələrdə göydən yağan bombaları, silah səslarini anımsadır bu səs.Gözümün önünə belə ölkələrdə təlaşla yaşayan insanlar gəlir.Atəşfəşanlığı sevmirəm çünki bu səslə narahat olan qocalar, uşaqlar və xəstələr gəlir gözümün önünə.Atəşfəşanlığı sevmirəm çünki havada milyonlarla quşların ölümünə səbəb olur və havanı kirlədir bu səs.Və nəhayət atəşfəşanlığı sevmirəm çünki milyonlarla pul xərclənir halbuki köməyə ehtiyacı olan milyonlarla insan var.Atəşfəşanlığı sevmirəm çünki oda partlayıcı maddədir və xüsusi ehtiyatla və risqlə partladılır.İnsan haqqları,heyvan haqqları, hava kirliliyi deyə səs salan bir çox insan və qürumlar buna bir dur deməlidir artıq.Siqaret və içkidə insana zərərlidir.Bütün reklamlar,televiza xəbər verir və hətta qutuların üzərinə belə yazılır sağlamlığa ziyan olduğu.Bəzi insanlar tərgidsədə bəziləri imtina edə bilmir aldığı zövqdən.Ancaq bu həmin şəxsin şəxsi həyatıdı və öz qərarlarıdı heçkim qarışa bilməz.Ancaq atəşfəşanlıq biz istəməsəkdə həyatımıza girir.Gecələr xüsusuilə yaşayış zonalarında maşının siqnalına basmaq,yüksək səs qadağandır.İctimai asayişi pozmaqdan hər an polis sizi cəzalandıra bilər.Ancaq hər dəfəsində bu zərərli səsə heçkim dayan demir.

Yüksək səsin heyvanların ölümünə səbəb olmasından və çevrəyə verdiyi zərərdən ötrü atəşfəşanlıq bəzi ölkələrdə və şəhərlərdə məsələn İtalya’da Venesiyada və Milanda 2011'de yasaqlandı. İtalya Çevrə və Heyvanları Qoruma Dərnəyinin hər yeni il gecəsində fişənk istifadəsinin 5 min evcil və yabanı heyvanın  ölümünə səbəb olduğunu açıqlamasıyla Torino Bələdiyəsi atəşfəşanlığı yasaqladı. Bari’də də eyni səbəbdən yasaqlanarkən Milanda hava kirliliyi səbəbiylə yasaqlandı.İtalya’da Verona, Bologna, Ancona, Olbia, Messina və Palermo başda olmaq üzərə toplam 800 bələdiyə atəşfəşanlığı qadağan edib.Mən ümumiyyətlə atəşfəşanlıq olmasın demirəm.Təbiiki insanların əylənməyə haqqı var.Heç deyilsə ildə 1 gün olsun.Ancaq hər bayram, hər toyu hər əyləncə bu sonluqla bitməsin. Bunun yerinə hər sevincli günün sonunda başqa evləri,başqa insanlarıda sevindirmək üçün hər hansı bir yardım kampaniyası olsa daha faydalı və sevindirici olar.

Çaxoxbili resepti

Çaxoxbili resepti.

Bugün  gürcü mətbəxindən Çaxoxbili resepti paylaşacam.Ancaq bu reseptdə çox fərqli reseptlərlə zövqə uyğun hazırlanır.Mən bizim evdə mənim hazırladığım Çaxoxbili reseptini paylaşıram.Ola bilərki siz tamamilə fərqli hazırlayırsınız.

Beləliklə lazım olan ərzaqlar:1,5 kilo bütöv toyuq (kənd toyuğu olsa daha dadlı olar),2 baş soğan,5 pomidor,2 diş sarımsaq, 1 çay qaşığı xmeli-suneli (gürcü ədviyyatı),1 dəst reyhan,1 dəst kişniş, günəbaxan yağı və zövqə görə duz istiot.

Әvvəlcə toyuqları doğrayın və bir qazanda yağsız yaxud çox azca yağla azca qovurun. Sonra toyuqları ayrı qazana alaraq üstünə azca su əlavə edib bişirirəm.Toyuğu qovurduğum yağda xırda doğranmış soğanıvə döyülmüş sarımsağı  rəngi qəhvə rəngi olanadək qovururam. Üzərinə pomidoru əlavə edərək yenə qovururam.Hazır olan toyuğu sümüyündən tamamilə ayırıb.Pomidorlu qarışıma əlavə edirəm.Üzrinə bütün ədviyyatları əlavə edərək.20 dəqiqə qapağı bağlı öz yağına düşənədək bişirirəm.Süfrəyə verməzdən əvvəl xırda doğranmış göyərtiləridə əlavə edib qarışdırıram.Nuş olsun!

Saçivi badımcanla

Saçivi badımcanla 

Gördüyünüz bu yemək badımcan dolmasına bənzəsədə Gürcüstan mətbəxindən Saçividir.Həm yüngül həmdə faydalı olan bu qəlyanaltı hazırlanması sadə olmasına baxmayaraq çox ləziz və göz oxşayandır.Tərkibi:200 qram qoz, 2 diş sarımsaq, 1 baş soğan,5 badımcan orta boy, kişniş,2 yemək qaşığı üzüm sirkəsi,1 çay qaşığı xmeli suneli ədviyyatı,bitki yağı,duz.

Әvvəlcə badımcanlar badımcan dolmasında olduğu kimi ortasından kəsilir və duzlanır. Simiçka yağında qızardılır.Sonra sobada hazır olanadək bişirilir.Kənarda qoz mətbəx robotundan  keçirilir,baş soğan xırda doğranılır vəbitki yağında qovrulur.Qoza qovrulmuş soğan,Xmeli suneli, duz,istiot,döyülmüş sarımsaq,sirkə vəxırda doğranmış kişniş əlavə edilib qarışdırılır.Hazır olan badımcanların içi bu qarışımla doldurulur.

Beləliklə Saçivi hazırdır.Nuş olsun!

Kısır resepti

Kısır resepti 

Xüsusən yaz aylarında həm yüngül, həm doyumlu həmdə faydalı bir qəlyanaltıdır Kısır.Türk mətbəxinin ən-ənəvi ləzzəti olan Kısırı bir çox bölgələr fərqli şəkildə hazırlayır.Sizdə öz damaq dadınıza uyğunlaşdıra bilərsiniz.

Tərkibi :

1,5 su st. incə bulgur,

1,5 su st. su,

1 yemək qaşığı tamat,

1 yemək qaşığı bibər tamatı

1 balaca qaşıq toz qırmızı bibər,

4-5 sap təzə göy soğan (istəyə bağlı),

2 pomidor,

2 xiyar,

1 kasa doğranmış cəfəri,

1 kasa doğranmış şüyüd

1 balaca qaşıq sumaq,

1 balaca qaşıq nanə,

1 balaca qaşıq kəkotu,

1 fincan maye yağ,

duz

Narşərab.

Hazırlanışı :

Bulguru yuyub bir qazana tökün və suyu əlavə edin.

İstədiyiniz miqdarda duz veə1 yemək qaşığı  zeytunyağt qatıb qapağını bağlayın ve ocağın altını ən aşağı seviyyəyə gətirin,

Bulğurlar suyunu çəkəndə  altını söndürün və qapağı bağlı 20 dəq.qədər dinləndirin,

Yağı qızdırıb içinə  tamatları ve toz bibəri əlavə edib qovurun,

Tamatlı qarışımı bulğura əlavə edin  qarışdırın,

Әdviyyatlarınıda əlavə edib qarışdırın.

Göyərtisini vurub  qarışdırın,

Xiyar və pomidorun kubik doğrayıb süfrəyə verilməzdən əvvəl bol narşərabla birlikdə əlavə edin.Kahıyla bərabər süfrəyə verin.Nuş olsun!

Sırnik resepti

Sırnik resepti

Səhər yeməkləri üçün dəyişik və faydalı Rus mətbəxinin qədim ləzzətlərindəndir Sırnik.Xüsusilə də kəsmiyi sadə yeyə bilməyənlər üçün idealdır.Lazım olan ərzaqlar: 300 qram kəsmik,1 yumurta,1 çimdik duz,3 yemk qaşığı şəkər tozu, 1/3 stəkan un.Bütün bu ərzaqlar qarışdırılır və eynicinsli kütlə əldə olunur.Katlet elədiyiniz kimi əlinizdə dairəvi formalar verin.Qızmış yağda bir üzü 2 dəqiqə ağzı açıq qızardılır sonra digər üzü qapağı bağlı olaraq bişirilir.

Yanında cem,mürəbbə və ya qatılaşdırılmış süd ilə süfrəyə verilir.Nuş olsun!

Sırdaq resepti

Sırdaq resepti

 İndi paylaşacağım yemək Lənkəran mətbəxindən çox sadə reseptdir. Yeməyin adı sırdaqdır.Bildiyimə görə sır sarımsaq dağ isə yağın dağ olması kimi yozulur.

Bunun üçün lazım olan ərzaqlar:10 uzunsov badımcan,3-4 diş sarımsaq,3 pomidor, yarım su stəkanı maye yağ və istəyə bağlı olaraq cəfəri.Әvvəlcə badımcanlar 0,5 sm enində uzununa doğranılır, duzlanılır və acı suyu çıxarılır.Yağ tavaya tökülür və qızdırılır.Yağ tam qızdıqdan sonra badımcanlar qızardılır və bir kənara yığılır.Sonra pomidorlar halqa halqa doğranılır.Sarımsaqlar döyülür.Sarımsaqlarıda xırda xırda doğraya bilərsiniz.Ancaq mən sarımsağı döyməyi məsləhət görürürəm.Xüsusi ilədə  taxta həvəngdəstə ilə.Belə  sarımsaq vitaminini yeməyə vermiş olacaq.Sırdağı bişirəcəyiniz qazana əvvəlcə badımcanlar düzülür sonra pomidor və sarımsaqlar,belə bir neçə qat yığılır.Qazanın ağzı bağlanıb zəif xodda bişməyə buraxılır.Mən sırdağı bişməyə qoymazdan əvvəl üzərinə ərinmiş dağ olmuş kərə yağı azca əlavə etdim.Bu istəyə bağlıdır.Sırdağı qovrulmuş soğanlada bişirə bilərsiniz.Buda zövqə görə dəyişir.Bir çox Lənkəran zonasında  sırdağı dəmə qoyarkən üzərinə doğranmış cəfəri əlavə edilir.Bütün bunları zövqünüzə uyğunlaşdırıb bişirə bilərsiniz.Nuş olsun!

Toyuqlu əriştə

Toyuqlu əriştə 

Bugün sizinlə həm yüngül, həm faydalı,həmdə doyumlu toyuqlu əriştə reseptini paylaşacam.Çin mətbəxindən olan bu reseptin özəlliyi tərkibinə əlavə edilən tərəvəzlərin yarıçiy olmasıdır.

Beləliklə "noodles" bişirmək üçün sizə lazım olan ərzaqlar.:1 diş sarımsaq,1 toyuğun ağ əti,1 kiçik boy kələmin yarısı, 2 yer kökü,2 bibər, 1 toyuq suyu tablet,3 yemək qaşığı soya sosu, yarım armudu stəkan zeytun yağı və "noodles" əriştə.

Әvvəlcə zeytun yağında əzilmiş sarımsaq azca qovrulur üzərinə jülyen doğranmış toyuq əlavə olunub qovrulur.Toyuq qovrulana qədər kənarda əriştə üçün su qoyulur və qaynadıqdan sonra makaron kimi qaynadılıb süzülür.Әrişdə tez bişdiyi üçün ehtiyatlı olun çox bişməsin.Bu arada toyuq bişdikdən sonra üzərinə soya sosu,əzilmiş toz kimi toyuq tablet əlavə edilir.Soya sosu və toyuq tabletdə duz olduğu üçün duzu vurarkən ehtiyatlı olun.Sonra üzərinə kök əlavə edilib azca  qovrulur.Ancaq ən əsası tərəvəzləri çox bişirməyin yeyərkən ağızda yarı çiy qalmalıdır.Kökdən sonra isə yenə jülyen doğranmış bibər,kələm və göy soğan əlavə edilir.Zövqə bağlı olaraq yer fıstığıda əlavə edə bilərsiniz.

Әn son hazır olan ərişdə ilə qarışdırılıb azca dəmləndikdən sonra süfrəyə verilir.Bu yeməyin ən əsas şərti tərəvəzlərin yarı çiy olmasıdı.Tərəvəzləri zövqünüzə uyğun dəyişdirə bilərsiniz.Çin restoranlarında bu yemək susam yağı ilə hazırlanır.Ancaq susam yağı biraz allergik yağ olduğundan istifadə edərkən ehtiyatlı olun. Birdə belə yeməklər əsasən voq tavada hazırlanır. Ağzınızın dadı dəyişilsin həm yüngül həmdə faydalı bir ləzzət istəyirsinizsə bu resept tam sizə görədir.Nuş olsun!