Rıjik tortu

Rıjik tortu

Demək olarki ən sevdiyim və hamının sevərək yediyi ev tortudu deyə bilərəm, dadını ifade etmək mümkün deyil.

Tərkibi:2 yumurta,1 stəkan pesoq, 2 yemək qaşığı bal,2 çay qaşığı soda (üstsüz),3 stəkan un,100 qram yağ,

Kremi üçün : qatılaşdırılmış süd, qatılaşdırılmış qaynadılmış süd və 200 qram kərə yağı

Hazırlanması:yumurta,pesoq,bal və yağ eyni cinsli mahlul alınanadək mikserlə qarışdırılır.Su hamamına qoyulub 10 dəqiqə qarışdıra qarışdıra bişirilir.10 dəqiqə sonra kənara çəkilib soda əlavə olunur və 3 dəqiqə daha zəif xodda qaynadılır.Xəmir sodanın təsiri ilə qalxır.Sonra kənara qoyulub üzərinə 3 stəkan un əlavə olunub qarışdırılır.Unu çox əlavə olunmadın,yapışqan olmasından qorxmayın.Sonra ağzı bağlanır və kənara qoyub 1 saat isti yerdə dinləndirilir.Bu arada krem çalınır mən kremdə qatılaşdırılmış süd və qaynadılmış qatılaşdırılmış südü qatıram kremdə marqarin yerinə  kərə yağı daha dadlı olmasına səbəb olur.1 saat sonra xəmir 8 eyni hissəyə bölünür.Soba 180 dərəcəyə gətirilir. Xəmirlərin hər biri ayrı ayrı yağlı kağızda unlanaraq nazik açılır.Üzəri çangəllə bir neçə yerdən deşilir.Hər list 4 -5 dəqiqə üzəri qızaranadək bişirilir.Boşqab diametrində kəsilir və kremlənir. Kənarları üzərinə ovulur.Soyuducuya qoyulur.Yeməzdən bir gün qabaq bişirməyi məsləhət görürəm.Nuş olsun!